Pyetjet

Z.Nishani, cila është gjëja e parë që bëni sapo hyni në zyrë, si nis dita juaj ministrore?

Gjëja e parë është leximi i komunikatave operative të policisë dhe emergjencave civile. Ky moment pasohet me takimin me zëdhënësin e shtypit për të marrë informacionin e ditës që shtypi ka pasqyruar. I shfrytëzoj minutat e para edhe për të pirë kafen e mëngjesit. Natyrisht në zyrë. Takimin e rradhës e kam me shefin e kabinetit dhe këshilltarët e mij ku përcaktojmë prioritet e dinamikës së ditës. Natyrisht që më pas dita është e mbushur me takime të ndryshme, analiza në institucionet e varësisë leximin e memome që vinë nga të gjitha drejtoritë dhe përcaktimin e rrugës që duhet ndjekur për to. Dita është shumë e gjatë ndaj po ndalem këtu.

Nuk ndihet mërzitja kur kemi telashe. A është punë me telashe ajo e ministrit të punëve të brendshme?

S’ka punë pa telashe. Sa më të mëdha të jenë përgjegjësitë që ke ndaj publikut, shoqërisë dhe ligjit , aq më shumë duhet të jesh i angazhuar për të shmangur telashet.


Thuhet se pistoleta nuk jepet kurrë. Nëse nuk do të ishit ministër i brendshëm, por pjesë e policisë së shtetit, dhe do të duhej të qëllonit mbi një kriminel, a do e kishit vërtetë guximin për të qëlluar?

Në përgjithësi nuk më ka munguar guximi për tu përballur me të keqen.


Optimist i pandreqshëm është ai që e sheh botën në lëvizje, ndërsa vet rri në vend. A ishte optimist Bujar Nishani kur mori përsipër drejtimin e ministrisë së brendshme, se shumë shpejt do ja dilte në krye?

I suksesëshëm, përfshi dhe optimizmin je kur lëviz edhe vetë bashkë me botën që lëviz. Përndryshe mbetesh prapa. Unë kam besur dhe besoj gjithmonë tek vetja. Në kuptimin e asaj që nëse i përdor me efiçencë dy “armët” e tua më të forta, punën pa kufi dhe ndershmërinë , ja del gjithmonë në krye.

Përballë antarësimit në NATO, integrimit në BE dhe liberalizimit të vizave, ministrisë që ju drejtoni i dalin një sërë detyrash. Cilat janë ato dhe sa jeni i përkushtuar në realizimin e tyre?

Kjo është një detyrë e madhe që ka Ministria e Brendshme dhe të gjitha institucionet e saja të varësisë përpara këtyre objektivave të Qeverisë Berisha dhe qytetarëve shqiptarë. Sfidat që duhet të përmbushë Shqipëria në këto proçese lidhen drejtpërdrejt me detyrat e kësaj ministrie.

• Lufta kundër krimit të organizuar
• Menaxhimi i integruar i kufijve
• Lufta kundër migracionit ilegal dhe trafikut të qenieve njerëzore
• Hartimi i regjistrit të ri të gjendej civile dhe dokumentave të identitetit

Pra siç e shihni janë pjesa e punës dhe angazhimeve të përditëshme të kësaj ministrie.
Për të përmbushur këtë proces dhe angazhim të qeverisë, ne kemi hartuar një plan veprimi i cili përcakton të gjitha hapat konkretë që po ndërrmerren në seicilën nga çështjet e sipërpërmendura dhe afatet e qarta të realizimit. Ky plan veprimi do të jetë pjesë e informacionit për publikun, median dhe të gjithë aktorëve të interesuar si dhe të raportimit pranë Qeverisë Shqiptare dhe autoriteteve të Komisionit Europian për të bërë të mundur një proces konkret vlerësimi.

Cili do të jetë “plan veprimi” i juaj si ministër për ccështjen e liberalizimit të vizave me vendet e BE-së?

Ky plan do të ketë të parashikuar veprimtarinë konkrete të çdo instrumenti për të përbushur standardet që na kërkohen.
* Kështu në adresën e luftës kundër krimit të organizuar përveçse mbajtjes së lartë të nivelit të goditjes së tij në të gjithë teritorin e vendit do të ketë hapa konkretë në;
- bashkëpunimin me Interpolin, nënshkrimin e marveshjeve operacionale me Europolin dhe realizimin e marrveshjeve të ekstradimit.
* Në çështjet e menaxhimit të kufijv,
- do të përfundojë mbulimi i të gjitha pikave të kalimit nga sistemi TIMS, kompletimi i të gjitha pikave kryesore me laboratorët e ekzaminimit të dokumentave të shtetasve shqiptarë dhe të huaj, miratimi i ligjit për të huajt, përfundimi i integrimit të sistemeve TIMS dhe ASYCUDA dhe TIMS me kamerat e zbulimit.
* Në atë të luftës kundër trafikut të qenieve njerëzore dhe emigrimit të paligjshëm
- përfundimi dhe vënia në përdorim e një database të plotë në dispozicion të institucioneve dhe aktorëve të përfshirë në procesin e luftës kundër trafikut, rritja e bashkëpunimit me sektorët e analizës së krimit për goditjen e organizatorëve të trafikut, hartimi, nënëshkrimi dhe realizimi i protokolleve të zbatimit të marveshjeve të riatdhesimit të emigrantëve të paligjshëm, siteme të kualifikuara dhe mbrojtje për viktimat e trafikut.
* Në atë të regjistrit të shtetasve dhe dokumentave të identifikimit;
Përfundimi i hedhjes së të dhënave në sistemin informatik dhe përfundimi i procesit të pastrimit të tij, përfundimi i rrjetit të transmetimit on line të të dhënave dhe adoptimi dhe instalimi në këtë rrjet të softëare për funksionimin e regjistrit on line për të gjitha shërbimet e parashikuara.
Kontraktimi me Konçensionarin që do të rezultoj fitues për prodhimin e letër njoftimeve të reja elektronike dhe pasaportave biometrike, ngritja e qëndrës kombëtare të personalizimit të të dhënave dhe prodhimit të dokumentave, ngritja e zyrave të aplikimit në të gjithë territorin e vendit dhe shpërndarja e letërnjoftimeve elektronike dhe pasaportave biometrike.
Pra një angazhim madhështor i kësa qeverie në interes të qytetarëve të këtij vendi.


Dikush ka thënë: mos e mbaj vartësin ndër tako sepse ke për tu penguar në ccdo ccast. Si janë raportet tuaja me vartësit në ministri?

Për këtë më mirë duhet të japin opinionin e tyre vartësit. Por kjo natyrisht është e vështira për sa kohë ata janë vartës. Eksperienca ime është që pasi jam larguar nga një pozicion drejtues ish- vartësit kanë ruajtur respekt maksimal. Për këtë unë u jam mirënjohës.

Në emër të drejtësisë, duhet të dalim kundër vetes. A i është dashur shpesh ministrit Nishani ta bëjë një gjë të tillë gjatë kohës që drejton ministrinë e rendit?

Falë mënyrës se si unë i kam ndërtuar gjithmonë raportet me veten dhe me të tjerët nuk më ka rezultuar një gjë e tillë derim më sot.

Nëse do ti bënit një analizë të hollësishme punës suaj në krye të rendit, si do ta vlerësonit atë?

Së pari unë nuk jam në krye të punës për rendin. Kjo pasi me ligj policia e shtetit qe përgjigjet për rendin nuk është më në varësinë e Ministrit të Brendshem. Ministri nuk ka më të drejtë të japë asnjë urdhër që ka të bëjë me veprimtarinë operacionale dhe madje mund ti refuzohen edhe informacione që konsiderohen tepër sekrete në një operacion që është në zhvillim e sipër. Por do të thosha se i vlerësoj maksimalisht drejtuesit e policisë së shtetit dhe të gjithë strukturat që janë të angazhuara në rendin dhe qetësinë publike në vend. Po ju jap vetëm një shembull. Gjatë szonit të kaluar të verës në vendin tona pati një popullim të madh të pushuesve. Kam parasysh shqiptar me banim jashtë Shqipërisë dhe të huaj. Gjatë të gjithë kësaj periudhe nuk pati as edhe një rast të vetëm incidenti në cenimin e rendit dhe sigurisë publike për askënd.

A jeni këshilluar në ndonjë rast me paraardhësin tuaj Sokol Olldashi para një vendimi të rëndësishëm dhe kur ka ndodhur?

Padyshim që jam konsultuar për probleme të ndryshme dhe marjen e ekiperiencave të shkuara.


I mirë është ai, që është në anën e të vuajturve. Sa i ka mbështetur Bujar Nishani, militantët e PD-së të cilët në 8 vite opozitë vuanin nga papunësia?

Jam përpjekur dhe përpiqem çdo ditë. Por kurrë nuk do ti plotësojmë dot gjithçka ata meritojnë. Gjithmonë do tu jemi borxhli. Por kjo nuk më pengon të komunikoj me ta çdo ditë.


Jo rrallë ka pasur kritika nga vet demokratët se ministrat kanë punësuar në administratë, njerëz të majtë, madje edhe duke i ngritur në përgjegjësi. Është evident realisht ky fakt? Ju si keni vepruar në rastin tuaj?

Së pari nuk ka asnjë mentalitet të tillë as tek militantët e partisë sonë dhe as tek drejtuesit e administratës sot. Nuk ka për ne një mentalitet diskriminues “të djathtë” apo “të majtë” për punonjësit e administratës. Padyshim që ka diçka tjetër. E para që në pozicione politike çdo ministri përfshirë dhe mua i nevojiten individë që kanë profesionalizmin e duhur por që kanë vullnetin politik për të implementuar politikat qeverisëse të kësaj qeverie. Në këto raste nuk mundesh të funksionosh pa ofruar në këto pozicione individë nga e njëjta familje politike. Së dyti ka të bëjë me krijimin e mundësive të barabarta të konkurrimit për tu rekrutuar dhe shërbyer në shërbimin civil sipas përcaktimeve ligjore edhe atyre qe për vite me rradhë ishin penalizuar dhe ju ishte mohuar e drejta e konkurrimit për arsye politike. Këto dy momente janë krejtësisht normale dhe që duhen respektuar.

Oktavia Pas, ka thënë se gjithccka kishim imagjinuar është e tashmja. Pas pavarësisë së Kosovës, ccfarë e ardhme i pret shqiptarët dhe Shqipërinë?

E ardhme e përbashkët e shklëlqyer në bashkësinë euroatlantike.


Cili do të jetë bashkëpunimi i ministrisë së punëve të brendshme të Shqipërisë me atë homologe të shtetit të Kosovës?

Ne e kemi pas nisur me kohë këtë bashkëpunim. Padyshim që tash ky ngrihet në nivele më të drejtpërdrejta në të mirë të paqes, sigurisë, zhvillimit dhe prosperitetit të të gjithë rajonit ku ne jetojmë.


Armiqtë mund ti lind nëna, kurse miqtë duhet ti fitosh vet. Cilët janë miqtë e Bujar Nishanit?

Janë shumë . Do të duhen disa numra botimi gazete për ti renditur të gjithë.

Të drejtosh, do të thotë të bësh disa të pakënaqur. A ka shumë të pakënaqur ministri Nishani?

Nuk e di. Shpresoj në mirëkuptimin e tyre.

Njerëzit vecc e vecc janë të padurueshëm. A mendoni se e njëjta gjë mund të thuhet edhe për individë apo grupe brenda PD-së?

Nuk më lejohet të marr në gjykim asnjë individ. E drejta e gjykimit për secilin nga ne i takon vetëm perëndisë.
Sa për grupet , nuk shoh dhe nuk kam të identifikuar të tillë. Nuk shoh as arsye e as potenciale për të grupuar grupe.


Cila është lidhja e parë e juaja me PD-në dhe a e gjetët veten tek kjo parti ashtu sicc e kishit menduar në ccastin kur vendosët të bëheshit pjesë e saj?

Që në ditët e para të themelimit të saj , kur rendja tek ato që mund të quheshin zyra atëhere pranë Shkollës së Kuqe, ku shihja me një lloj adhurimi Azem Hajdarin. Më pas në shumë takime të ish-kandidatit të PD, Ridvan Peshkëpia, në zgjedhjet e 1991 dhe. Lidhjet organike filluan më pas , edhe për shkak të natyrës së punës që unë kam kryer. Që nga 1997 u bënë të përditshme dhe funksionale.
Ju siguroj se po të mos e kisha gjetur veten tek kjo parti, asesi nuk do të mund të isha aty për asnjë çast.

A do të konkuroni sërish për degën e PD-së së Tiranës, pasi Sokol Olldashi ka vendosur të tërhiqet nga gara e re?

Unë nuk kam konkuruar asnjëherë për degën e Tiranës. Besoj se në pozicionin e Sekretarit të Degës, i cili është një post që nominohet nga kryesia kam arritur të jap kontributin maksimal timin. Jam i bindur se midis demokratëve ka shumë kandidatura që duhet të ofrojnë kontributin e tyre në këto pozicione drejtuese. Për mua është e rëndësishme që jam dhe do të jem gjithmonë anëtar i kësaj partie , që solli lirinë e shqiptarëve.

A është vështirë të bësh karrierë politike në PD?

Nisur nga eksperienca ime personale, aspak. Mjafton të ndiesh atë frymë lirie që kjo parti mbart, të kesh dëshirën për angazhim politik dhe ta afrosh atë kontribut në mënyrë sistematike.


Politikanët janë të njëjtë, ata premtojnë të ndërtojnë një urë, edhe atëherë kur nuk ka lumë. Jeni dakort me ketë?

Në këtë rast ata nuk mund të quhen politikanë. Spekulantët tashmë edhe në shqipëri dallohen dhe seleksionohen lehtësihst nga opinioni publik.


Duke qënë pjesë e stafit të qeverisë, a keni një vlerësim për punën e saj dhe a është i nevojshëm një rikompozim i tij pasi jo të gjithë ministrat kanë ritmin e duhur të punës?

Jo vetëm që nuk më takon mua të gjykoj punën e ministrave, por nuk e kam as dhe mundësisnë ta bëj këtë. Unë jam i sigurt për një gjë. Kjo qeveri ka përballur sfida shumë të rëndësishme për këtë vend. Ka sjellë një politikë qeverisëse krej ndryshe nga modelet negative të së shkuarës. Kjo qeveri ka sjellë projekte konkrete të realizuara për Shqipërinë dhe shqiptarët. Ai që vlerëson punën e çdo ministri dhe që ka mandatin për të gjykuar për rikompozim është vetëm kryeministri.


Dikush ka thënë: mos e grumbulloni për vete pasurinë e kësaj bote të cilën e shkatërron ndryshku dhe teja, por grumbullojeni për vete në qiell që ta gjeni një ditë ku nuk ua vjedh askush. A është i pasur Bujar Nishani?

Në kuptimin se ç’far konsideroj unë pasuri, po , them se jam shumë i pasur. Në mes të këtij “thesari pasurie”, diamanti më i çmuar është familja ime.


Një zotëri i vërtetë mban gjithmonë me vete, ccakmak. Si i keni raportet me cigaren?

Jam ndarë me të që prej 7 vitesh.


Të marrësh grua shumë të zgjuar, është si të mbathësh këpucë që të vrasin? E tillë është bashkëshortja juaj?

Këpucë që të vrasin në fak nuk kam mbajtur kurrë, kështu që për këpucët nuk di çtë them. Por tek bashkëshortja ime ka gjetur gjithmonë një kopje timen. Kështu që nuk më është dashur të flas kurrë me veten, por kam pasur se me kë.


Frika është ndjenjë njerëzore. Cila është ajo gjë që ju bën të friksoheni në jetë?

Mosmirënjohja.

A ka ndryshuar mënyra juaj e jetesës që kur jeni bërë ministër?

Natyrisht që shumë. Por në një far mënyre në “dëm” të vetvetes dhe familjes sime.

Njerëzit e mëdhenj nuk vijnë kurrë njëri pas tjetrit, A vuan Shqipëria mungesën e këtyre njerëzve?

Jo nuk besoj. Natyrisht që janë të rrallë.

Si janë marrëdhëniet tuaja me kryeministrin Sali Berisha dhe a keni gjetur gjithë mbështetjen e tij në punën e vështirë të kreut të rendit në Shqipëri?

Përpiqem maksimalisht të përmbush detyrimet dhe përgjegjësitë e mia. Pa ndihmën, eksperiencën, vizionin por edhe autoritetin e tij unë besoj se kjo qeveri nuk do ti kishte këto suksese dhe këtë temp pune që ka. Me kryeministrin Berisha mund të ndertosh vetëm mardhënie korrekte. Po dole jashtë korrektësisë je i sigurt se i ke prishur mardhëniet me të. Përsa kohë ai respekton maksimalisht mardhëniet, njerëzore dhe ato shtetërore, gjithkush ka mundësisnë të ketë mardhënie të shkëlqyera me të.


Ju keni qënë një mik i afërt me presidentin aktual Bamir Topi, madje në zgjedhjet e 2001, ju kontribuat për fitoren e tij në zgjedhjen si deputetë. Tani pas 7 vitesh, si janë raportet me kryetarin e shtetit?

Midis miqve të afërt që të prishet kjo miqësi duhet të ndodhë diçka e rëndë. Asgjë e tillë s’ka ndodhur midis meje dhe profesor Bamirit.
Unë personalisht jam tip i formuar si etatist. Kështu që në qenien time por edhe në sjelljen , prevalon pozicioni i Kryetarit të Shtetit, për Presidentin Topi. Jam midis atyre që ardhjen e Bamir Topit në krye të Presidencës e ka parë si një shanc për vendin.

Diturinë thonë, që ta përpish me oreks, duhet ta përtypësh mirë. A jeni një lexues i rregullt dhe ccfarë lexoni kryesisht, kush janë autorët tuaj të preferuar?

Kam hyrë në “borxh” kohët e fundit. Më mungon paksa tani.
Gjithsesi , Ismail Kadare është ai të cilin e kuptoj më shumë se kushdo tjetër.