Viti 2007, është në fund. Për ju si Ministër i Brendshëm, si po mbyllet ky vit?

Nje vit qe kërkoj nje angazhim dhe pune shume te madhe. Eshte nje vit ku pata nje eksperience te re. Nje eksperience qe besoj se do te me vleje per te gjithe jeten. Ne aspektin e pergjegjeshmerise, ne aspektin e marrjes persiper te pergjegjesive te medha dhe natyrisht ne ndikimin drejtpërdrejt te fitimit te nje pjekurie akoma me te madhe. Une besoj thellësisht se ky vit po mbyllet me tregues optimist te përmbushjes se detyrimeve ndaj qytetareve.

2007 ka qenë viti i aksioneve të mëdha të policisë. Krahasuar me vitet e kaluara si është gjendja e krimit?

Faktet tregojne se ka nje goditje te forte ndaj krimit. Se pari ka nje renie te krimit ne teresi. Ka nje rritje te denoncimeve te qytetareve ç’ka tregon per rritjen e besueshmerise se tyre ndaj institucioneve te shtetit. Ka nje renie te madhe te krimit te rende te vrasjes, krahasuar me pak vite me pare. Per here te pare ne vitet 2006 dhe 2007 ne Shqiperi ka pasur me pak se 100 vrasje. Mbi te gjitha ka nje rritje te ndjeshme te zbulueshmerise se krimit. Niveli i zbulueshmerise se krimeve eshte ne nivelet nder me lartat krahasuar me vende shume te perparauara te BE. Shume ngjarje te vjetra te pazbuluara jane rijetuar dhe zbuluar. Kjo do te vazhdoje edhe ne vitin qe vjen.


Vjedhjet janë një problem i madh për Policinë e Shtetit, sidomos për zbulueshmërinë e tyre. Do ketë një reformim apo punë më të madhe për këtë sektor?

Krahasuar me vitet e tjera ka nje rritje prej gati 10% te zbulueshmerise se krimit te vjedhjes. Gjithsesi besoj se nepermjet struktures se re qe ne tashme po nisim te implementojme ku sektoret e veçante te zbulimit te krimeve te hapura apo dhe krimeve te tjera do te jene me te kanalizuara nga struktura te specializuara per keto fenomene do te vije ne rritje.


Ligji për policinë e shtetit, kur hyn në fuqi dhe si do jetë raporti i pagave me gradat dhe zbatimi i tyre?

Ligji i ri ka hyre ne fuqi qe ne muajin korrik te këtij viti. Sistemi i gradave eshte nje sistem teresisht i ri i cili mbeshtetet mbi vjetersine ne sherbim, arsimimin, trajnimet dhe kurset e kryera si dhe rrezultattet ne pune. Mbi te gjitha me kete ligj mbi bazen e grades qe fiton merr dhe pozicionin qe i takon grades. Pra nuk mund te kete me abuzime qe te marresh nje post te caktuar dhe per shkak te tij perfiton dhe graden qe mund te jete e pamerituar per nje apo nje tjeter arsye. Natyrisht qe edhe pagat do te kene diferencimin e tyre sipas grades. Por bazuar ne legjislacionin tona pagat e reja behen me nje akt te veçant ne nivel kombëtar. Keshtu qe përfitimi i rritjes se pages per punonjësit e policise do te vij i njehershem edhe me te gjithe administraten tjeter shteterore.


Flitet se do rikthehen disa nga uniformat blu, që janë larguar gjatë dy viteve të fundit. Ku dhe si do të kthehen?

Ne gjate implementimit te struktures se re na eshte dashur te rikthejme punonjës policie te dale ne reforme ne periudha te ndryshme, perfshire dhe periudhen te ciles ju i referoheni. Kjo ka te beje me pozicionet te cilat rezultojn te lira nga implementimi i kësaj strukture. Kriter i rendesishem eshte pastërtia e figures se punonjës qe rikthehet. Ne deshirojme qe policia e shtetit te kete punonjës sa me profesionist po aq dhe te ndershem dhe përkushtuar. Kjo eshte nje praktike qe do te vazhdoje edhe ne te ardhmen.


Problem në këtë fund viti ka qenë krimi në familje. Ka një strategji për ta parandaluar këtë fenomen që është bërë shumë i ndjeshëm?

Po ka . Ka nje strategji ku Ministria e Punes dhe Çeshtjeve Sociale eshte ministri lider dhe nje numer agjensisht te përfshira ne te. Besoj se te gjithe faktoret e rendesishem te kësaj shoqërie Kane diçka per te ofruar ne perballjen e kësaj sfide. Por une besoj se përveç te gjitha angazhimeve te tjera , nje ashpërsim me i madh i reagimit te ligjit te shkruar( kam parasysh koden penal) ndaj autoreve te ketyre krimeve do te ndikoje ne uljen e këtij krimi , gjithashtu.


Fushata antikorrupsion, operacionet “Duart e Pastra”, apo arrestime të tjera, do ngelin pjesë e katër muajve të 2007, apo do të vazhdojnë dhe gjatë 2008. “Duart e pastra”, vetëm një slogan apo do të vërtetohet në vitin e ardhshëm që nuk ishte një fushatë?

“Duart e pastra”, eshte nje filozofi dhe metode pune e kësaj qeverie. Koinçidenca e 2 – 3 operacioneve te titulluara nuk eshte çeshtje fushate. Per kete ju siguroj juve dhe te gjiothe lexuesit tuaj. Beteja kunder korrupsionit do te jete nje beteje qe do te ashpërsohet edhe me shume. Sa me te shumta qe te jene rastet qe do te goditen, sa me te medha qe do te jene interesat e pista qe do te preken nga kjo beteje, ne e dime se po aq i forte do te jete kunder reagimi. Por po aq e sigurt eshte qe akoma me i forte do te jete angazhimi yne per te vazhduar betejen.


Keni pasur ndërhyrje nga politika, gjatë zhvillimit të punës së policisë për prangosjen e zyrtarëve të lartë, për mos prangosjen e tyre. Sa ekzistojnë akuzat për përgjime të deputetëve?

Absolutisht asnjë ndërhyrje. Ju siguroj se madje politike ka qene shume larg nga pasja e informacionit per hetimet qe kryeheshin. Persa i takon, “përgjimit te deputeteve”, megjithëse me keqardhje me duhet ta them se eshte nje papjekuri politike por edhe shtetare e atyre qe i leshojne. Ligji yne, procedura, instrumentat e realizimit nuk lejojne ne asnjë rast përgjime te paligjshme jo per deputetet por per çdo qytetar te këtij vendi. Ata qe kane qejf te behen interesant duke folur per “afera përgjimesh”, e dien dhe vete se nuk kane “qullosur” gje ne kete rast. Gjithsesi , Kuvendi i Shquiperise ka ngritur nje komision hetimor per kete çeshtje dhe une besoj se do te jete shume e rendesishme puna dhe raporti i tij.


Si është bashkëpunimi i Ministrisë së Brendshme, me institucionet e tjera, prokurorinë, para dhe pas erës Sollaku, gjykatat dhe Ministrinë e Drejtësisë. Po me ndërkombëtarët?

Ne kemi ofruar nje partneritet institucional dhe korrekt me te gjitha keta faktore qe ju permendet. Kemi shprehur ne mjaft raste nje lloj shqetësime per angazhimin e segmenteve te prokurorise gjate kohes kur ky institucion drejtohej nga z. Sollaku. Besojme plotësisht ne tejkalimin e këtij problemi. Faktet e nje bashkëpunimi intensive dhe lidhje e njesere marrëveshjesh te rendesishme me institucione shume prestigjoze nderkombetare tregon se sa te besueshem dhe serioze jemi ne per keta partnere shume te rendesishem.


Dhe pyetja e fundit. Në lidhje me kartat e identitetit dhe pasaportat biometrike, si ka ecur puna. Do përfundojnë në fund të vitit 2008?

Ne ne zbatim te projektit te qeverise shqiptare kemi shpallur tenderin nderkombetar per kartat dhe pasaportat. Derim tani ka nje interesim jashtezakonisht te madh nga kompanite me prestigjose nderkombetare. Ka nje ekip te gjere specialistesh te vendit dhe te huaj qe po punojne per sqaremet e nevojshme qe kerkojne te gjirthe te interesuarit dhe besojme se tenderi do te realizohet brenda kohes se parashikuar, ne fillimin e vitit qe vjen. E gjitha axhenda qe ne kemi parashikuar , do te çoj ne prodhimin e tyre brenda vitit 2008. Nje gje eshte e sigurt, shqiptaret do te shkojne ne zgjedhjet parlamentare te vitit 2009 me list ate dala nga nje regjister shtetasish elektronik me standarte te larta dhe me karta identiteti.