Fjala e Ministrit te Brendshem ne Takimin e GOPAC

I nderuar zoti Demi,
I Nderuar z. Williams,
Te nderuar pjesemarres dhe kolege,

Dëshiroj t’ju falënderoj, per ftesen dhe prezencen tuaj.
Në ditët tona, tema e luftës kundër korrupsionit është një temë e diskutueshme në çdo vend të botës, është një problem i cili nuk mund të zgjidhet vetëm me diskutime apo me kërkime akademike, por është një problem që ka nevojë për aksione konkrete.

E ndërgjegjshme për rreziqet e korrupsionit dhe për vështirësitë e luftës kundër këtij fenomeni, qeveria shqiptare e shpalli luftën kundër tij si një prioritet jetik të saj.
Deri më sot, qeveria jonë ka treguar vullnet të plotë, ka treguar se di të vendosë prioritete, ka treguar se di të marrë masa emergjente apo preventive për të ndaluar korrupsionin, për të ndërtuar një marrëdhënie të re mes qeverisë dhe qytetarëve, një marrëdhënie e cila në themel ka pasur seriozitetin tonë për të luftuar korrupsionin.

Raporti i Transparency International e grupon vendin tonë në 10 vendet me sukses më të madh për vitin 2008 në luftën kundër korrupsionit si dhe në vendin e parë në rajon.
Transparency International shpall se në garën botërore të 180 vendeve të botës në luftën kundër korrupsionit, Shqipëria parakaloi 20 vende gjatë vitit që kaloi duke u zhvendosur nga vendi i 105 që zinte në vitin 2007 në vendin e 85, në një pozicion të njejtë me Serbinë, Malin e Zi, dhe duke lënë prapa në rajon, Bosnje Hercegovinën, Moldavinë.
Si rezultat i përpjekjeve tona antikorrupsion, të ardhurat ne buxhetin e shtetit janë shtuar me 1.2 miliardë dollarë edhe pse qeveria ka bërë uljen më drastike të taksave në historinë e financave publike të këtij vendi.
Kjo qeveri ka shkurtuar deri në 120 milionë euro shpenzimet operative, ka reduktuar deri në 20% koston e prokurimeve publike dhe ka siguruar një bashkëpunim të gjerë të qytetarëve të saj për denoncimin e korrupsionit.




1. Parandalimi i korrupsionit. Transparenca. Perfshirja

- Reformat institucionale dhe ato te tregut kanë pasur si komponent te perhershem te tyre mjetet dhe metodat parandaluese qe kanë ngushtuar hapesirat per korrupsion, te tilla si: transparenca, kontrolli i brendshem dhe i jashtem, aksesi ne vendimmarrje dhe roli monitorues i shoqerise civile, komuniteteve vendore dhe te medias.
- Çdo institucion ka përshtatur dhe fuqizuar zyrat per informimin e publikut. Është realizuar ne praktike objektivi i “e-government”. Çdo institucion, duke perdorur mjetet e teknologjise se informimit e komunikimit ka ndërtuar sherbimin “on-line”. Qytetaret kanë pasur akses te lehte e te plote ne gjithe veprimtarine e qeverise, nepermjet faqeve te internetit, nga ku janë informuar, kanë marrë shërbime, janë shprehur dhe jane përfshirë ne vendimmarrje.
- Është amenduar ligji i konfliktit te interesit, janë miratuar ligji i Policisë së Shtetit, ligji i Shërbimit të Kontrollit të Brendshëm, ligji i prokurimeve publike, ai i koncesioneve dhe ligje te tjera te rendesishme.
- Hartimi i Strategjisë Kombëtare për Zhvillim dhe Integrim ka dalë pas një procesi të Strategjive Sektoriale dhe Ndërsektoriale, nga të cilat Ministria e Brendshme, ka miratuar këto strategji:
• Strategjia e Policisë së Shtetit 2007-2013;
• Strategjia Kombëtare e Menaxhimit të Integruar të Kufirit;
• Strategjia Kombëtare Antidrogë;
• Strategjia Ndërsektoriale e Luftës kundër Krimit të Organizuar, Trafiqeve dhe Terrorizmit;
• Strategjia Kombëtare e Luftës kundër trafikimit të qënieve njerëzore 2008-2010.
- Qeveria ka pergatitur bazen ligjore te veprimit te Ombudsmanit te Prokurimeve. Çdo ent prokurues ka pasur paralelisht me njesine e prokurimit, edhe garantin e procesit, Ombudsmanin e Prokurimeve.
- Brenda nje kohe te shkurter janë rishikuar procedurat e licensimeve. Ato janë standardizuar e thjeshtuar, ne menyre qe te lehtesohej nisma e lire, apo sherbimi ndaj qytetareve e bizneseve. Institucionet kane ngritur sherbimin e licensimit sipas parimit “one stop shop”.

2. Ndeshkimi i korrupsionit

- Veprimi ndeshkues ndaj rasteve korruptive ka qenë nje perkushtim i perhershem i qeverisjes. Per kete qellim janë mobilizuar të gjithe forcat institucionale dhe ligjore ne kompetence te qeverise per hetimin dhe ndeshkimin administrativ me masa disiplinore te cdo rasti te abuzimit me detyren, ose te korrupsionit nga ana e zyrtareve, si dhe janë kryer kallzime penale pa asnje hezitim per cilindo zyrtar qe është perfshirë ne korrupsion. Është krijuar Task-Force Antikorrupsion e perbere nga perfaqesuesit e institucioneve kryesore shteterore, shoqeria civile, media dhe komuniteti i biznesit. Kjo strukture ka siguruar bashkepunimin e qeverise me te gjitha institucionet e tjera te pavarura te shtetit dhe aktoret e tjere te interesit.
- Qeveria ka pershtatur strukturen qendrore ekzekutive pergjegjese per antikorrupsion dhe mireqeverisje e cila ka hartuar Strategjinë Ndërsektoriale për Parandalimin e Luftën kundër Korrupsionit dhe për një Qeverisje Transparente 2008-2013, ka ndjekur zbatimin e tij, si edhe ka dhënë nje impuls te ri kontrollit te brendshem dhe ndeshkimit disiplinor te zyrtareve qe janë perfshirë ne praktika korruptive.
- Qeveria ka qenë e vemendshme dhe ka reaguar menjehere ndaj ankimeve te publikut si edhe denoncimeve qe vijne nga mediat ose nga qytetaret. Per kete qellim kanë funksionuar edhe linjat e komunikimit dhe denoncimit te qytetareve me qeverine qe garantojne edhe fshehtesine e burimit te informacionit.
- Ne vecanti, per zyrtaret me status politik, nuk është ofruar mbrojtje politike e te dyshuarve dhe i është hapur rruge procesit hetimor.
- Ekipet qeverisese jane çliruar nga konfliktet e interesave. Krahas amendimit te ligjit per parandalimin e ketyre konflikteve ne pikat e tij te dobeta, ai është zbatuar plotesisht per te mbyllur cdo shteg te mundesive te shfrytezimit te pozites ne favor personal nga ana e zyrtareve. Qeveria ka mbeshtetur me te gjitha mjetet e nevojshme veprimtarine e Inspektoriatit te Larte te Deklarimit dhe Verifikimit te Pasurive.

Strategjia, me prioritetet e reformat e përcaktuara, bazohet në:
- platformën e përgjithshme të përqasjes gjithëpërfshirëse dhe të integruar në luftën kundër korrupsionit me një kombinim të balancuar të parandalimit, hetimit dhe dënimit;
- parimin se veprimet korruptive janë e duhet të konsiderohen si vepra penale dhe të trajtohen qofte në planin administrativ, qofte penal;
- ndjekjen e parimeve bazë të sundimit të ligjit e barazisë së plotë të qytetarëve para ligjit, mirëqeverisjes, pergjegjshmerise, lidhjes organike ndermjet parandalimit me hetimin e denimin efektiv, bashkëpunimit dhe koherences, transparences dhe pjesëmarrjes, partneritetit efektiv ndermjet sektorit publik dhe privat;

KUADRI INSTITUCIONAL

Strukturat që janë të ngarkuara me luftën kundër korrupsionit, krahas organeve të hetimit e ndjekjes penale janë:

1. Task Forca Anti Korrupsion (TFA), e krijuar me Vendim të Këshillit të Ministrave nr. 794, datë 19.12.2005. Kjo strukturë kryesohet nga Kryeministri dhe përbëhet nga anëtarë të Këshillit të Ministrave dhe përfaqësues të institucioneve të tjera të varësisë që mbulojnë kryesisht menaxhimin e financave publike si dhe kontrollin e auditin.
TFA ka për funksion të analizojë fenomenin, përcaktojë prioritetet, identifikojë masat dhe veprimet konkrete dhe koordinojë punën ndërmjet institucioneve. TFA synon të aktivizojë kapacitetet e administratës për të reaguar në mënyrë të shpejtë energjike dhe procedurale ndaj shfaqjeve të praktikave korruptive, abuzimeve, apo deformimeve të ndryshme në administratë.

2. Departamenti i Kontrollit të Brendshëm Administrativ dhe Antikorrupsionit, në Këshillin e Ministrave, është struktura përgjegjëse për kontrollin e brendshëm administrativ dhe antikorrupsionin në të gjitha institucionet e pushtetit ekzekutiv (ministritë, institucionet qendrore në varësi të Kryeministrit a ministrave, administratës së prefektit, si dhe në shoqëritë tregtare, me kapital shtetëror).
3. Grupi Ndërministror i Punës, ne baze te Urdhrit te Kryeministrit nr. 195, date 14.08.2006, mbështetur nga grupi teknik, përgjegjës për hartimin e strategjisë dhe rishikimin periodik te saj, koordinimin e punës se ministrive për hartimin e Planeve te Integruara Ministeriale, qe janë plane te përvitshme veprimi ne zbatim te Strategjisë, si dhe ndjekjen dhe monitorimin e zbatimit te “Strategjisë për Parandalimin, Luftën Kundër Korrupsionit dhe Qeverisjen Transparente” dhe planeve individuale te ministrive për antikorupsionin.
4. Mbi bazën e një Memorandumi Bashkëpunimi mes Prokurorisë se Përgjithshme, Ministrisë se Brendshme, Ministrisë se Financave dhe Shërbimit Informativ, është krijuar dhe është operacionale Njësia e Përbashkët Hetimore Kundër Krimit Financiar dhe Korrupsionit pranë Prokurorisë Tirane dhe Prokuroritë e Rretheve për procedimet penale te regjistruara për vepra penale te korrupsionit.


o Agjencia e Prokurimit Publik (APP) është organi qendror për mbikëqyrjen dhe koordinimin e sistemit të prokurimit publik në Shqipëri.
o Avokati i Prokurimeve mbron të drejtat dhe interesat e ligjshëm të kandidatëve, ofertuesve apo furnizuesve nga veprimet ose mosveprimet e paligjshme e të parregullta të autoriteteve kontraktore në fushën e prokurimit publik, nëpërmjet monitorimit dhe hetimit të procedurave administrative të prokurimeve publike.

6. Gjithashtu, struktura të posaçme siç është Shërbimi i Kontrollit të Brendshëm ne Ministrinë e Brendshme, kanë në objektivat kryesore të punës së saj luftën kundër korrupsionit dhe abuzimeve me detyrën të evidentuar në radhët e strukturave të Policisë së Shtetit. Kjo drejtori është e angazhuar në rritjen e eficensës në verifikimet paraprake të informacioneve, analizimin e plotë të të dhënave, përmirësimin e teknikave të hetimit paraprak, te cilat do të sjellin rritje të ndjeshme të numrit të kallëzimeve penale për rastet e korrupsionit.


IV ROLI I MINISTRISË SË BRENDSHME

Ministria e Brendshme ka luajtur një rol shumë të rëndësishëm në kuadër të luftës kundër korrupsionit, në tre fusha kryesore:
1. Policia
2. Shërbimi civil
3. Shërbimi i Kontrollit të Brendshëm

A. Forcimi i shërbimit civil

Forcimi e konsolidimi i shërbimit civil eshte perqendruar në disa drejtime prioritare si:
- Forcimi i statusit të nepunesit civil dhe i garancive të sistemit të karrieres në administraten publike;
- Shtrirja e statusit të nepunesit civil në pjesen me të madhe të organeve të administrates publike;
- Rritja e profesionalizmit të nepunesve;
- Zbatimi i transparences dhe parimit të merites në rekrutimin në administraten publike;
- Forcimi i rregullave të posaçme të etikes dhe të parandalimit të konfliktit të interesave në strukturat e ndryshme të administrates publike;
- Rritja e interesit të punesimit në administraten publike (trajtimi financiar, strehimi...) dhe thithja e kapaciteteve brenda dhe jashte vendit;
- Rishikimi i sistemit të pagave dhe shpërblimeve duke i harmonizuar me vlerësimin e performancës, shpërblimin sipas vendit të punës dhe kualifikimin shkencor;
- Forcimi i aftesive dhe kapaciteteve të administrimit, performances dhe trajnimit të administrates publike në fushen e parandalimit dhe të luftes kunder korrupsionit;
- Permiresimi dhe motivimi i vlerësimit periodik te nepunesve te administrates publike;
- Trainimi i nepunesve lidhur me fushat e sektoret e ndjeshem problematike (dogana, tatime, prokurime, ekspertet kontabel e kontabilistet...), me çeshtje të etikes e antikorrupsionit;
- Rritja e aksesit e publikimi i punesimeve/transferimeve/largimeve në administraten publike;
- Forcimi i mekanizmave të pergjegjesise institucionale e individuale në politiken e administrimit të burimeve njerezore.




B. Hetimi dhe dënimi i korrupsionit
Konsolidimi i hetimit dhe efiçences se ndjekjes penale, rritja e shpejtesise se ndjekjes penale dhe gjykimit

1. Konsolidimi i hetimit

Zbatimi i efektshem dhe permiresimi i mekanizmave dhe mjeteve per hetimin e akteve te korrupsionit, rritja e mekanizmave te kontrollit e te vetëkontrollit te strukturave te policise sipas kritereve te vlerësimit te riskut dhe te indikatorëve metodologjike qe favorizojne korrupsionin, forcimi e zgjerimi i informatizimit, konsolidimi i përdorimit te teknologjise se informacionit, forcimi i kapaciteteve dhe burimeve per përdorimin e efektshem te teknikave te posaçme te hetimit, konsolidimi i procedurave e standardeve per rekrutimin, transferimin, trajnimin, specializimin, standardet etike e profesionale e motivimin financiar te punonjësve te policise (veçanërisht te strukturave te hetimit), ngritja e kritereve profesionale, konsolidimi i mekanizmave te bashkëpunimit me organet e ndjekjes penale dhe pergjithesisht me agjencite e tjera te forcimit te ligjit.




C Konsolidimi i bashkëpunimit dhe bashkërendimit të brendshëm e ndërkombëtar
• Konsolidimi i mekanizmave në bashkëpunimin ndërmjet agjencive të zbatimit të ligjit.
• Konsolidimi i mekanizmave të qëndrueshëm për shkëmbimin periodik të informacionit.
• Zbatimi i efektshëm i instrumenteve antikorrupsion rajonale e ndërkombëtare.

V REZULTATET E ARRITURA NGA MINISTRIA E BRENDSHME NË FUSHËN E KORRUPSIONIT PËR PERIUDHËN 2005-2008

1. Drejtoria e Shërbimit të Kontrollit të Brendshëm
Për forcimin e kapaciteteve të Njësisë së Kontrollit të Brendshëm në Ministrinë e Brendshme, si një nga objektivat kryesore te SHKB-së në strategjinë antikorrupsion, me qëllim sigurimin e integritetit dhe ruajtjes së standardeve të larta profesionale të Policisë se Shtetit, u hartua dhe u miratuar Ligji Nr. 10 002, datë 06.10.2008 ”Për Shërbimin e Kontrollit të Brendshëm në Ministrinë e Brendshme”.
Është në proces pune përgatitja dhe miratimi i një pakete ligjore me Vendime të Këshillit të Ministrave, Urdhrave dhe Udhëzimeve te Ministrit të Brendshëm si dhe Rregullore të Brendshme, në zbatim të ligjit të ri të SHKB-së mbi ndryshimet strukturore, organizative dhe kompetencat hetimore dhe inspektuese.

Drejtoria e Shërbimit të Kontrollit të Brendshëm gjatë kësaj periudhe ka marrë pjesë aktive në seminare dhe trajnime të organizuara si brenda dhe jashtë vendit në lidhje me luftën dhe parandalimin e korrupsionit.


SHKB-ja ka marrë pjesë në rolin e vëzhguesit në konferencën e 7-të dhe të 8–të vjetore të EPAC-ut (Vendet Partnere Evropiane Kundër Korrupsionit), zhvilluar përkatësisht në Helsinki, të Finlandës, nga data 12-14 Dhjetor 2007 dhe në Mançester, Angli nga data 19-21 Dhjetor 2008. Është pjesë aktive e një prej grupeve të punës së EPAC-ut, në atë të Standardeve të Përbashkëta të Agjencive Anti-Korrupsionit, duke marrë pjese dhe në takimin e zhvilluar në 6-7 Maj 2008 në Riga të Letonisë. Në kuadër të bashkëpunimit me anëtarë dhe jo të këtij organizmi, SHKB-ja mban një komunikim të rregullt on-line mbi shkëmbimin e eksperiencave dhe arritjeve në luftën kundër korrupsionit.

Statistika
Gjatë vitit 2005, 114 kallëzime penale për vepra korruptive për 159 subjekte policore ku: 10 roli lartë, 54 roli mesëm dhe 95 roli bazë, nga të cilët 26 të arrestuar (rasti i një grupi punonjësish policie të qarkullimit rrugor në Tiranë të implikuar në korrupsion pasiv dhe përjashtimi i një pjese prej tyre nga strukturat e Policisë Shtetit). Gjithashtu rasti i shpërdorimit të detyrës dhe shkeljes së barazisë së pjesëmarrësve në tendera apo ankande publike nga punonjës policie në disa nga Repartet Autonome të Policisë së Shtetit
Gjatë vitit 2006, 93 kallëzime penale për vepra korruptive për 142 subjekte policore ku: 14 roli lartë, 47 roli mesëm dhe 81 roli bazë, nga të cilët 44 të arrestuar (rastet e arrestimit në flagrance të punonjësve të policisë për korrupsion pasiv dhe shpërdorim detyre në pikat e kalimit kufitar Qafe-Thane, Pogradec, Tre-Urat, Përmet dhe Kapshtice. Rasti i arrestimit të punonjësve të policisë rrugore në Tiranë për korrupsion pasiv etj.).

Gjatë vitit 2007, 73 kallëzime penale për vepra korruptive për 101 subjekte policore ku 3 roli lartë, 45 roli mesëm dhe 53 roli bazë, nga të cilët 16 të arrestuar (rastet e arrestimit në flagrancë të punonjësve të policisë në seksionet e policisë kriminale dhe asaj rrugore në disa qarqe për korrupsion pasiv).

Gjatë vitit 2008, 75 kallëzime penale për vepra korruptive për 101 subjekte policore ku 2 roli lartë, 44 roli mesëm dhe 55 roli bazë, nga të cilët 29 të arrestuar (rastet e arrestimit të punonjësve të policisë në pikat e kalimit kufitar të Tre Urave, Përmet dhe Tushemisht për korrupsion pasiv dhe shpërdorim detyre, rasti i arrestimit të punonjësve të policisë së qarkullimit rrugor për korrupsion pasiv etj).

2. Drejtoria e Përgjithshme e Policisë së Shtetit

Menaxhimi i kufijve


Është miratur Strategjia Kombëtare për Menaxhimin e Integruar të Kufirit dhe Plani i Veprimit.
Në kuadër të masave antikorrupsion, në të gjitha PKK janë afishuar numra telefoni, ku shtetasit mund të ankohen për çdo veprim korruptiv apo të padrejtë. Gjithashtu në PKK dhe institucionin qendror dhe rajonal të PKM janë afishuar stenda me informacion mbi të drejtat dhe detyrimet e shtetasve për hyrjen, tranzitimin, qëndrimin dhe daljen nga R.SH.
Legjislacioni i ri i miratuar, praktikat e reja të aprovuara në punën e PKM, informatizimi i PKM, etj. ulin shkallen e mundësive të korruptimit të strukturave.
Aktualisht Sistemi TIMS është instaluar në 18 PKK nga 25 PKK, si dhe në 8 Drejtoritë Rajonale për PK&M. Po punohet për përfundimin e informatizimit të të gjithë PKK brenda vitit 2009.


Policia

Në kuadër të Strategjisë Ndersektoriale për Parandalimin dhe Luftën Kundër Korrupsionit dhe për qeverisjen transparente për periudhën 2008-2013, Policia e Shtetit ka programuar detyra specifike për këtë periudhë dhe për vitet në vazhdim.

• Detajet mbi masat për forcimin e kapaciteteve administrative dhe koordinimi ndërmjet agjencive (p.sh. mandati, stafi, buxheti, teknikat e specializuara të hetimit, databaset, shkëmbimi i informacionit, trajnimet.)
Ndryshimet e bëra ne Kodin Penal, ne Kodin e Procedurës Penale dhe konkretisht për dispozitat kundër korrupsionit dhe përdorimit te teknikave speciale te hetimit kane orientuar drejt strukturat e specializuara te luftës kundër korrupsionit për goditjen e tij, ne te gjitha format e shfaqjes.
Ka nje rritje te ndjeshme te forcës goditëse të veprave penale të korrupsionit dhe krimeve ne detyrë. Një numër gjithnjë e me i madh zyrtarësh të korruptuar te nivelit te mesëm dhe te larte janë arrestuar dhe i janë dhëne për ndjekje penale organeve te drejtësisë. Kjo ka ardhur si rezultat i rritjes dhe forcimit të masave e gjurmuese policore dhe përdorimit te teknikave speciale te hetimit nga strukturat e specializuara ne luftën kundër korrupsionit, bashkëpunimit me prokurorinë dhe gjykatën dhe investigimeve të gjata e të koordinuara në këtë drejtim. Zyrtaret te vene përballe fakteve dhe provave kane pranuar akuzat dhe kane kërkuar gjykim te shkurtuar. Gjykatat kane dënuar zyrtaret jo vetëm me heqje lire me burg por edhe me gjobe dhe dënime plotësuese si mos ushtrim aktiviteti etj.
Për te gjitha rastet e korrupsionit ndaj zyrtareve dhe personave te lidhur me ta jane bere hetime për astetet qe disponojnë, si pasuri te paluajtshme dhe llogari bankare. Janë sekuestruar para dhe prona te vena ne mënyre abuzive.
Me implementimin e Ligjit të ri “Për Policinë e Shtetit” u rritën në mënyrë të ndjeshme kapacitetet institucionale dhe strukturore për goditjen e krimit financiar, korrupsionit dhe pastrimit të parave. Me organizimin e ri të Policisë së Shtetit, u krijua Drejtoria Kundër Krimit Financiar në Departamentin për Hetimin e Krimeve. Kjo Drejtori përbëhet nga tre sektorë në të cilën punojnë 13 oficerë policie.
o Sektori kundër Korrupsionit.
o Sektori kundër Pastrimit të Parave.
o Sektori kundër Krimeve Ekonomik-Financiare.
Kjo Drejtori ka filluar të funksionojë në mënyrë të plotë nga data 1 Janar 2008.
Sektori kundër Korrupsionit ka njësitë e tij të vartëse në 12 Qarqet e Republikës së Shqipërisë. Ky Sektor, në Drejtorinë e Përgjithshme të Policisë së Shtetit, përbën organin e vetëm përgjegjës për trajtimin në mënyrë të unifikuar të veprimtarisë së strukturave të policisë për veprat penale të korrupsionit dhe ato të kryera gjatë ushtrimit të funksioneve publike. Objekti i punës të këtij sektori qendror është kryerja e veprimtarisë koordinuese, bashkëvepruese, operacionale, administrative, hetimore për veprat penale në fushën e korrupsionit dhe ato të kryera gjatë ushtrimit të funksioneve publike në të gjithë territorin e vendit.
Në muajin Maj të vitit 2007 u nënshkrua Memorandumi i Përbashkët nga Ministri i Brendshëm, Ministri i Financave, Prokurori i Përgjithshëm dhe Kryetari i Shërbimit Informativ Shtetëror për krijimin e Njësisë së Përbashkët Hetimore kundër Krimit Financiar dhe Korrupsionit, pranë Prokurorisë së Rrethit Gjyqësor Tiranë. Objekti i punës së të cilës është hetimi i veprave penale në fushën financiare në përgjithësi dhe Korrupsionit dhe Pastrimit të Parave në veçanti. Kompetenca territoriale e kësaj Njësie Hetimore është ne Rrethin e Tiranës dhe ka në përbërjen e saj 8 Prokurorë, 10 Oficerë të Policisë Gjyqësore nga Ministria e Brendshme, 8 Oficerë të Policisë Gjyqësore nga Ministria e Financave, Policia Tatimore dhe Doganore, dhe dy oficerë nga Shërbimi Informativ Kombëtar. Dhjetë nga oficerët më të mirë të Drejtorisë kundër Krimit Financiar në qendër dhe të Drejtorisë së Policisë së Qarkut Tiranë janë tashmë pjesëtarë të kësaj Njësie Hetimore.
Drejtoria bashkëpunon dhe bashkërendon veprimtarinë e saj me institucione të tjera përgjegjëse për luftën kundër korrupsionit dhe më konkretisht:
• Prokurorinë e Përgjithshme, Njësinë e Përbashkët Hetimore e Korrupsionit, pranë Prokurorisë së Rrethit Gjyqësor Tiranë.
• Shërbimin Informativ Shtetëror.
• Ministrinë e Financave (Drejtorinë e Përgjithshme të Doganave, Drejtorinë e Përgjithshme të Tatimeve, Drejtorinë e Përgjithshme të Parandalimit të Pastrimit të Parave (ose FIU)).
• Ministrinë e Drejtësisë (Zyrën Qendrore të Regjistrimit të Pasurive të Paluajtshme).
• Inspektoriatin e Lartë të Deklarimit dhe Kontrollit të Pasurive.

Statistika dhe shembuj të rasteve të suksesshme dhe dënimeve për periudhën 2005-2008.
Në vitin 2005, nga Policia e Shtetit janë evidentuar dhe referuar për fillimin e ndjekjes penale 34 raste të veprave penale të korrupsionit krimeve në detyre të nëpunësve publik me 51 autorë të dyshuar prej të cilëve 15 të arrestuar e ndaluar. Nga këto 8 vepra penale të korrupsionit pasiv dhe aktiv, 26 vepra penale të kryera nga punonjës shtetëror e publik.
Në vitin 2006, nga Policia e Shtetit janë evidentuar dhe referuar për fillimin e ndjekjes penale 72 raste të veprave penale të korrupsionit krimeve në detyre të nëpunësve publik, me 126 autorë të dyshuar prej të cilëve 29 të arrestuar e ndaluar. Nga këto 23 vepra penale të korrupsionit pasiv dhe aktiv, 49 vepra penale të kryera nga punonjës shtetëror e publik.
Në vitin 2007, nga Policia e Shtetit janë evidentuar dhe referuar për fillimin e ndjekjes penale 71 raste te veprave penale te korrupsionit krimeve ne detyre te nenpunesve publik me 164 autore te dyshuar prej te cilëve 40 te arrestuar e ndaluar. Nga këto 15 vepra penale te korrupsionit pasiv dhe aktiv, 56 vepra penale te kryera nga punonjës shtetëror e publik.
Po nga Policia e Shtetit për vitin 2008, janë evidentuar dhe referuar për fillimin e ndjekjes penale 339 raste të veprave penale të korrupsionit krimeve në detyrë të nëpunësve publikë me 610 autorë të dyshuar prej të cilëve 109 të arrestuar e ndaluar. Nga këto 66 vepra penale të korrupsionit pasiv dhe aktiv në sektorin publik dhe privat me 65 zyrtarë të arrestuar dhe 272 vepra penale të kryera nga punonjës publikë si shpërdorim detyre etj.
Rritja e treguesve të punës së strukturave të Drejtorisë Kundër Krimit Financiar, ka qenë jo vetëm në nivel sasior, por edhe në nivel cilëso, kështu gjatë 11 mujorit të vitit 2008, si rezultat i aplikimit gjithnjë e më shumë i metodave speciale të hetimit dhe ndërmarrjes së veprimeve operacionale, janë goditur 40 grupe kriminale me 198 autorë, nga këta të arrestuar e ndaluar 158 prej tyre.
Vetëm për korrupsion janë zbuluar dhe goditur 23 grupe me mbi tre autorë dhe janë organizuar dhe realizuar 26 operacione policore të suksesshme.



Aneks

LEGJISLACIONI

Kuadri ligjor bazë në fushën e luftës kundër korrupsionit fokusohet, ndër të tjera, në aktet e mëposhtme:

 Ligjin nr.7895 datë 27.1.1995 “Kodi Penal i Republikës së Shqipërisë”, i ndryshuar”;
 Ligjin nr.7905, datë 21.03.1995 “Kodi i Procedurës Penale i Republikës së Shqipërisë”;
 Ligjin nr. 8635, datë 07.06.2000 “Për ratifikimin e Konventës Civile për Korrupsionin”;
 Ligjin nr.8778, datë 26.04.2001 “Për ratifikimin e Konventës Penale për Korrupsionin”, i ndryshuar”;
 Ligjin nr. 9245, datë 24.06.2004 “Për ratifikimin e Protokollit Shtesë të Konventës Penale për Korrupsionin”;
 Ligjin nr.8646, datë 20.07.2000 “Për ratifikimin e konventës europiane “Për pastrimin, depistimin, kapjen dhe konfiskimin e produkteve të krimit””;
 Ligjin nr. 9492, datë 13.03.2006 “Për ratifikimin e Konventës se Kombeve te Bashkuara Kundër Korrupsionit”;
 Ligjin nr.9284, datë 30.09.2004 “Për parandalimin dhe goditjen e krimit të organizuar”;
 Ligjin nr.8503, datë 30.06.1999 “Për të drejtën e informimit për dokumentet zyrtare”;
 Ligjin nr. 9049, date 10.04.2003 “Për deklarimin dhe kontrollin e pasurive te detyrimeve financiare të të zgjedhurve dhe te disa nëpunësve publike”, i ndryshuar”
 Ligjin nr.9131, datë 08.09.2003 “Për rregullat e etikës në administratën publike”;
 Ligjin nr. 9367, datë 07.04.2005 “Për parandalimin e konfliktit te interesave në ushtrimin e funksioneve publike”, i ndryshuar me ligjet nr. 9475, datë 09/02/2006 dhe nr. 9529, datë 11/05/2006;
 Ligjin nr. 9508, date 03.04.2006 “Për bashkëpunimin e publikut në luftën kundër korrupsionit”;
 Ligji nr.9917, datë 19.5.2008 “Për parandalimin e pastrimit të parave dhe financimit të terrorizmit”
 Ligji Nr. 10 002, datë 06.10.2008, ”Për Shërbimin e Kontrollit të Brendshëm në Ministrinë e Brendshme”;
 Ligjin nr.9643, datë 20.11.2006 “Për prokurimin publik”;
 Ligjin nr.9663, datë 18.12.2006 “Për koncesionet”;
 Ligjin nr.9720, datë 23.04.2007 “Për auditimin e brendshëm në sektorin publik”;
 Ligjin nr.9723, datë 03.05.2007 “Për qendrën kombëtare të regjistrimit”;
 Ligjin nr.9749, datë 04.06.2007 “Për policinë e shtetit”;
 Ligjin nr.9754, datë 14.06.2007 “Për përgjegjësinë penale të personave juridikë”;
 Vendimin nr.794, datë 19.12.2005 të Këshillit të Ministrave “Për krijimin e Task Forcës Antikorrupsion”;
 Vendimin nr 94, date 15.02.2006 të Këshillit të Ministrave “Për miratimin e rregullores për funksionet dhe procedurat e kontrollit te brendshëm administrativ dhe antikorrupsion të Këshillit të Ministrave”;
 Vendimin nr.714, datë 22.10.2004 “Për veprimtarinë e jashtme dhe dhënien e dhuratave gjatë veprimtarisë së nëpunësit të administratës publike”;
 Urdhrin nr. 172, datë 02.11.2005 të Kryeministrit “Për marrjen e masave të shpejta në zbatim të ligjit Nr. 9367, datë 07.04.2005 “Për parandalimin e konfliktit të interesave në ushtrimin e funksioneve publike”;
 Urdhrin nr.208, datë 29.12.2005 të Kryeministrit “Për vendosjen e numrave të telefonit falas për denoncimin e korrupsionit”;
 Vendimi i Këshillit të Ministrave nr.1561, datë 3.10.2008 “Për miratimin e Strategjisë Ndërsektoriale për Parandalimin e Luftën kundër Koorupsionit dhe për një Qeverisje Transparente, 2008-2013”.
 

Aneksi 2

• Statistikat lidhur me prirjet, për vitet 2005-2008, e luftës kundër pastrimit të parave:
 

Nr	Vepra Penale	Vepra penale  te evidencuara	Vepra penale te zgjidhura	Autore gjithsej te veprave penale	Nga këta të arrestuar	Nga këta në gjendje te lire	Larguar nga vendi i ngjarjes
1	Pastrim parash financim terrorizmi	0	0	0	0	0	0
2	Korrupsioni	8	8	11	5	6	0
3	VP kundër shtetit e drejtësisë	26	26	40	5	35	0
4	Zhvillim i palejuar i lojërave të fatit	0	0	0	0	0	0
5	Krime në fushën e doganave	122	120	171	110	55	6
6	Falsifikim i monedhave dhe letrave	33	30	43	26	15	2
7	Mashtrimet	93	90	97	34	58	5
8	VP në fushën e tatim taksave	33	33	31	9	22	0
9	VP në shoqëritë tregtare	1	1	1	0	1	0
10	VP në fushën e falimentimit	1	1	1	0	1	0
11	Vjedhje pasurie	6	5	10	3	7	0
12	Falsifikimi  i dokumenteve	718	718	833	412	417	4
13	S h u m a	1041	1032	1238	604	617	17

Viti 2006

Nr	Vepra Penale	Vepra penale  të evidencuara	Vepra penale të zbuluara	Autorë gjithsej të veprave penale	Nga këta të arrestuar	Nga këta në gjendje të lirë	Larguar nga vendi i ngjarjes
1	Pastrim parash financim terrorizmi	1	1	1	0	1	0
2	Korrupsioni	23	23	34	12	22	0
3	VP kundër shtetit e drejtësisë	49	48	92	17	73	2
4	Zhvillim i palejuar i lojërave të fatit	0	0	0	0	0	0
5	Krime ne fushën e doganave	159	141	194	110	74	10
6	Falsifikim i monedhave dhe letrave	49	46	62	38	24	0
7	Mashtrimet	162	146	162	29	130	3
8	VP në fushën e tatim taksave	16	16	23	0	23	0
9	VP në shoqëritë tregtare	0	0	0	0	0	0
10	VP në fushën e falimentimit	3	3	3	0	3	0
11	Vjedhje pasurie	22	21	44	13	30	1
12	Falsifikimi  i dokumenteve	724	715	851	252	596	3
13	S h u m a	1285	1232	1558	504	1032	22

Viti 2007

Nr	Vepra Penale	Vepra penale  të evidencuara	Vepra penale të zbuluara	Autorë gjithsej të veprave penale	Nga këta të arrestuar	Nga këta në gjëndje të lirë	Larguar nga vendi i ngjarjes
1	Pastrim parash financim terrorizmi	3	3	5	0	5	0
2	Korrupsioni	19	19	51	29	22	0
3	VP kundër shtetit e drejtësisë	88	86	162	23	139	0
4	Zhvillim i palejuar i lojërave të fatit	15	15	16	0	16	0
5	Krime ne fushën e doganave	168	153	212	109	95	8
6	Falsifikim i monedhave dhe letrave	40	32	38	21	17	0
7	Mashtrimet	242	178	209	31	175	3
8	VP në fushën e tatim taksave	164	164	185	20	165	0
9	VP në shoqëritë tregtare	21	21	22	0	22	0
10	VP në fushën e falimentimit	0	0	0	0	0	0
11	Vjedhje pasurie	27	21	33	13	20	0
12	Falsifikimi  i dokumenteve	770	760	877	215	653	3
13	S h u m a	1548	1435	1783	256	1321	14

Viti 2008

Nr	Vepra Penale	VP të evidencuara	VP të zbulua ra	Autorë gjithsej	Arrest dhe Ndal	Ne gj. të lirë	Larguar nga vendb
1	Korrupsion	66	66	146	65	81
2	Vp.kryer punon.shtet	272	267	463	44	418	1
3	VP kundër sekretit
4	Vp kunder drejtesise	1	1	1		1
5	Vp kunder sist.zgjedhj
6	Vp te tjera
	Shuma korrupsion	339	334	610	109	500	1
1	Vjedhje  pasurie	216	215	35	20	15
2	Mashtrime	423	401	452	38	397	1
3	VP shoqerit tregtare	1	1	1		1
4	Krime  fush tatim taksa	52	52	60	7	53
5	Krime fush doganave	181	170	194	77	117
5	Fals.monedh  letr vlere	239	236	63	38	25
6	Fals dokumente	780	770	891	125	765	10
7	Vp fushen falimentit	1	1	1		1
8	Zhvill palej  lojra fatit	108	108	108		108
	Shuma krim ekonom	2001	1954	1805	305	1473	27
1	Pastrim produkteve	17	17	17	5	10	2
2	Treg paligj valut,kufi	173	173	174	44	130
3	Financim terrorizm
	Shuma pastrim parave	190	190	191	49	140	2
	Shuma krim financiar	2530	2478	2606	463	2113	30